Irailaren 26tik 30ra, Artelekuk Marraz(i)oak ilustratzaile topaketa hartuko du Galtzagorri elkarteak eta Artelekuk antolatuta. Bertan, irudigintzak eta gidoigintzak -bai eleberri grafikoarenak zein album ilustratuarenak- topo egingo dute.

Irakasleak Harkaitz Cano idazle eta gidoigilea eta Ignasi Blanch Gisbert ilustratzaile eta ilustrazio irakaslea izango dira.

Honako gaiak jorratuko dituzte:

• Obra grafikoaren Edukia eta forma
• Gidoi baten eraikuntza: Genero desberdinak eta argudio tipologiak
• Pertsonaien egitura; psikologikoa eta formala
• Irudien gaineko begiradaren sintaxia
• Album ilustratu baten eraikuntza
• Hainbat teknika; marrazkia, kolorea eta adierazpena
• Irudiaren egitura album ilustratu batean
• Eleberri grafikoa
• Autoedizioa

Eskaerak aurkezteko azken eguna: 2016ko uztailaren 8a izango da.