Davidek Campos de Castilla liburuagatik jaso du aurtengo Ilustrazioaren kategorian Euskadi Literatura saria. Zorionak lagun! David de las Herasen “Campos de Castilla” lanaren inguruan epaimahaiak uste du “lan borobila” dela eta zera adierazi du: “maisuki erabili ditu teknika eta forma guztiak, ilustrazioa poesia bihurtuz”. Arlo artistiko eta grafiko desberdinetako baliabideak erabiltzeagatik da azpimarragarria lan hau. Irudi batzuk xehetasun osoz islatu ditu eta beste batzuk zirriborro moduan, betiere emaitza kohesionatua lortuz. “Baliabide ugariak erabiltzeagatik ere, lanak ez du bere osotasuna galtzen eta konposizio hausteekin erritmoa eta musikaltasuna lortu ditu”.
