Hemen dira urtero Euskal Irudigileak antolatzen dituen ikastaroak. Aurten, Batzar Nagusian planteatu zen bezala, Mar Hernández (Malota)dugu gonbidatua. Ikastaroan parte hartzeko ez da beharrezkoa Euskal Irudigileak elkarteko bazkide izatea. Eskabideak jasotako hurrenkeraren arabera izapidetuko dira.
Informazioa eta erreserbak: [email protected]

DATAK: Ekainaren 18ko arratsaldean izango litzateke, osteguna, 15:00etatik 19:00etara, eta ondoren HITZALDI bat, publiko guztiarentzat irekia, 19:30etatik 20:30etara.
LEKUA: Elkartearen egoitzan. Atxuri 16 behea. 48006. Bilbo
PREZIOA: Bazkideentzat doan, bazkide ez direnentzat 10€.
IZENA EMATEKO: [email protected]. Izena emateko azken eguna Ekainaren 5an, ostirala, 14:00ak baino lehen. 20 plaza guztira. Eskariak heldutako hurrenkeraren arabera lekuak esleituko dira.

Desikasten ikastea

Esperimentazio grafikoko tailerra, Malotak emana

Deskribapena.
Nolakoa litzateke norberaren borondatez ikasitakoa desikastea? Hutsetik abiatu, paperari haurrek egiten duten bezala aurre egitea, sutsuki, zalantzarik gabe, ia pentsatu gabe, egiten duguna aztertu gabe, egin eta kito.

Esperientzia gradu bat da, baina batzuetan gehiegi pisatzen duen motxila ere bada. Orain arte jorratu dugun bideak markatu egiten gaitu eta batzuetan zaila da aldentzea eta beste leku batzuetatik ibiltzea.

Nola marraztuko genuke gaur dakiguna jakingo ez bagenu?

Esperimentazio grafikoko tailer honetan “ikasitakoa desikasten” saiatuko gara, eta, horretarako, gure marrazteko moduaz ahaztuko gara beste modu batzuetan marrazten probatzeko eta jolasteko. Zorterik badugu, intuizioak, jakin-minak eta harridurak bultzatuta, arakatzeko leku berriak eraikiko ditugu eta egiteko beste modu batzuk aurkituko ditugu.

Iraupena: 4 ordu

Beharrezko materialak.
Bertaratutakoek hauek ekarri behar dituzte:
5 kartulina zuri, A4 300 gr ingurukoak.
Gutxi gorabehera 10 folio A4
Guraizeak
Barra-itsasgarria
Errotuladore eta arkatz beltzak
Tamaina ertaineko pintzelak (etxea ditugunak

Hizlariaren biografia.

Mar Hernández (Malota)
Arte Ederretan doktorea Valentziako Unibertsitate Politeknikoan. Ilustratzailea, zeramikaria eta irakaslea.
2006an hasi zen ilustrazioaren arloan lanean, eta harrezkero, nazioko eta nazioarteko bezeroentzako proiektuak garatu ditu. Bere lana moldakorra da eta ilustrazio editorialaren, prentsaren, ikus-entzunezkoen edo produktuaren alorretan lan egiteko aukera ematen dio. Marrek hainbat bezerorentzat egin du lan: Musikverein Viena, The Marshall Project, The New Yorker, The Washington Post, The Boston Globe, Google, SAP, Samsung, Volkswagen, Fly Emirates, Penguin Random House, The Smithsonian Institution, Dwell Magazine, Mailchimp, Variety Magazine, The Wall Street Journal, La Vanguardia, The New York Times, etab. Marrek nazioko eta nazioarteko 70 erakusketa baino gehiagotan parte hartu du, taldekoak eta banakakoak, 20 liburu baino gehiago argitaratu ditu eta sariak jaso ditu bere lanagatik, hala nola AEBko Communication Arts edo Espainiako Injuve sariak, besteak beste.