2022ko irailaren 26tik 30era burutuko duten MarraziOak Ilustratzaile Topaketen XIV. edizioaren deialdia.
Aurten, tailerraren gidariak Elena Odriozola eta Gustavo Puerta izango dira. “LIBURU ILUSTRATUAK EDITATUZ KONPLIKATZEN DUGU BIZITZA” goiburupean, edizioa izango da tailerraren ardatza. Edizioa, ordea, artisauaren ikuspuntutik begiratua eta bidean topa daitezkeen arazoak aintzat hartuko dituzte.Azken urteetan bezala, Undermount-en (* Aita Orkolaga pasealekua 46, Igeldo, 20008, Donostia) burutuko da, Gipuzkoako Foru Aldundiaren Kultura Zuzendaritzaren laguntzari esker.
Astelehenetik ostiralera, 10:00etatik 18:00etara bitarteko ordutegi jarraitua izango du tailerrak, tartean, bazkaltzeko ordubeteko atsedena egingo delarik.
Guztira 10 ilustratzailek izango dute MarraziOak-eko 35 orduko formazioa doan jasotzeko aukera. Parte hartu nahi dutenek dokumentazio arruntaz gain, beste hiru ilustrazio hauek egin eta bidali beharko dituzte [email protected]–era:
Deialdian zerrendatutako kultura ezberdinen obra klasiko bat aukeratu, eta AZALA, KONTRAZALA ETA BIZKARRA–lomoa– egin beharko dituzte. Aurkeztutako lanak ikastaroan zehar lanerako erabiliko dituzte.
Dokumentazioa bidaltzeko azken eguna ekainaren 30a izango da. Aukeratutakoei uztailaren 11ko astean erantzungo zaie.
